Sokkar, sokkar.......

Ég er alltaf með eitthvað á prjónunum, og ef það er ekkert sérstakt sem liggur fyrir, þá dýfi ég hendinni bara ofan í garnpokann og prjóna úr afgöngum. Þessir sokkar hér að ofan eru prjónaðir eftir uppáhalds sokkauppskriftinni minni, sem ég fann í Hug og hönd frá 2008. Þeir eru á 2 og 4 ára.

Þarna var ég að prófa stundaglashæl með garðaprjóni úr bókinni hennar Kristínar Harðardóttur, sem heitir Sokkar og fleira. Þessir eru á 2 ára.

Svo prjónaði ég sokka á sjálfa mig, og þeir eru með stundaglashæl, og eru úr sömu bók. Allir sokkarnir eru úr léttlopa.

 

Posted with Blogsy