Hilda hoodie

 Ég saumaði mér þriðju flíkina eftir sniðinu Hilda hoodie frá Ida Victoria. Núna hafði ég hvorki hettu né háan kraga heldur bara mjótt stroff í hálsinn, og stytti ermarnar í 3/4 lengd því ég kippi alltaf ermum upp ef þær eru í fullri lengd og gengur misvel að halda þeim uppi. Þá er bara eins gott að stytta þær. Ég síkkaði þennan peysukjól eins og þá fyrri, en er jafnvel að spá í að stytta hann aðeins. Sé til með það. Kjóllinn er að öllu leyti saumaður á overlockvélina og efnið keypt í Noregi.