Skólavettlingar

Ég prjóna alltaf nýja vettlinga handa barnabörnunum á haustin. Tvö pör á hvert. Átta pör samtals.

 

Ég hef notað sömu uppskriftina undanfarið, Randalíus, sem er frí á heimasíðu Storksins. Hún er mjög fín, og það besta er að þumallinn kemur út úr hliðinni þannig að það er sama á hvora hendina vettlingurinn fer.  Svo er það gríðarlegur kostur að þumallinn er kláraður áður en belgurinn er prjónaður áfram niður.

Svo merki ég hvern einasta vettling, hef alltaf gert það og lítið sem ekkert hefur týnst.

Ég prjóna alltaf núna úr Fiesta frá Drops, mikið af mislitu og sprengdu garni sem gaman er að prófa. Dokkurnar nýtast líka mjög vel, ein dokka er nóg í eitt par, og lítill afgangur.