Ég prjónaði þriðju Bugðuna í haust. Ég átti allt garnið í hana, var hálfgert í vandræðum með þennan bláa lit, keypti hann í ákveðið verkefni fyrir nokkrum árum en gat svo ekki notað hann. En með þessum litum sem ég hafði með honum varð ég mjög ánægð með útkomuna. Var svo heppin að geta gefið hana í afmælisgjöf í fjölskyldunni þar sem afmælisbarnið elskar þennan lit.
Mér finnst svo gaman að raða saman litum í þessa uppskrift. Þrír litir eru akkúrat nóg fyrir mig og mína litapallettu og alltaf spennandi að sjá útkomuna í þessu sjali.
Ljósgrái liturinn er frá Hexhex og hinir tveir frá Vatnsnesyarn. Uppskriftin er eftir Eddu Lilju í Prjónabúð Eddu. Ég notaði prjóna nr. 4.
Engin ummæli:
Skrifa ummæli