Húfan Ösp

Nú er ég búin að prjóna aðra húfu á ömmudrenginn. 

Þetta er húfan Ösp sem ég prjónaði á yngstu ömmustelpuna fyrir rúmu ári.

Ég gerði minnstu stærðina á hann.

Þessi húfa er bæði skemmtileg og fljótprjónuð.

Garnið, Drops merino extra fine, og dúskinn,  keypti ég í Gallery Spuna.

Uppskriftin er frá Knillax.

Hjálmhúfa

Litli ömmustrákurinn, sem er að verða fimm mánaða, stækkar hratt og allar húfur að verða of litlar.

Þessi er á sex mánaða, vona að hún sé ekki þegar of litil, en fleiri húfur eru á leiðinni.

Ég prjónaði úr afgöngum af Drops baby merino. 

Þessa uppskrift hef ég prjónað ótal sinnum.

Slaufur

Litla herramanninn minn vantaði slaufu, því hann verður skírður á morgun og þarf að vera fínn í veislunni.

Ég gerði þrjár svo foreldrarnir gætu valið.

Þær eru ósköp einfaldar og mjúkar, enda ekki mikið pláss fyrir svona lagað um hálsinn á svona litlum manni.

Ég fitjaði upp 11 lykkjur og prjónaði perluprjón ca. 8 sm og miðjustykkið er 5 lykkjur 

og prjónaðir 3 sm.

Gráa og millibláa eru úr babygarni og dökkbláa úr Dale Lerke, og prjónarnir nr. 2,5.