Heildartala yfir síðuflettingar

mánudagur, 23. janúar 2012

Viðurkenning


Hún Anneli, sem er með bloggsíðuna Annelis hantverk, var svo hugguleg að senda mér viðurkenningu á blogginu sínu. Kærar þakkir, Anneli!! Ég hvet ykkur, sem lesið síðuna mína, að kíkja í heimsókn til hennar. Hún skrifar um ýmislegt auk handavinnu og tekur mjög fallegar myndir.

Tusen takk, Anneli, for denne award!!

laugardagur, 14. janúar 2012

Þæfð karfa og bókakaup

Ég er löngu búin að kveðja jólin, en átti samt eftir að sýna þessa þæfðu körfu, sem ég prjónaði fyrir jól. Uppskriftin er af Drops jóladagatalinu og notaði ég tvöfaldan plötulopa en fór að öðru leyti eftir uppskriftinni. Ég þurfti reyndar að þvo körfuna þrisvar til að fá hana í góða stærð. Lopinn var fallega jólarauður, sérlitaður fyrir Handprjónasambandið.
Svo lét ég verða af því að fá mér þessa bók. Hún er mjög falleg, og mér finnst mjög gaman að prjóna kúlur. Ég pantaði hana á Amazon í Bretlandi. Hún var fljót að skila sér og kostaði ekki nema 3400 krónur, komin í mínar hendur. Hlakka til að prjóna upp úr henni.
Svo ætla ég líka að sýna þessa bók. Hana pantaði ég líka af Amazon í Bretlandi og kostaði hún 1830 kr. Í henni er fullt af teppum, sum flokkuð eftir þjóðernisstíl.
Þetta er samt teppið sem olli því að ég keypti bókina, teppi í sænskum sveitastíl. Ég VERÐ að hekla það.