Pils

Fyrir nokkru saumaði ég mér pils. Var mikið í pilsum hér áður en kjólarnir yfirtóku þau hjá mér. Svo ég keypti mér snið frá Kreativistine í Noregi, pappírssnið. Hún saumar úr heldur þynnri efnum en ég gerði, t.d. bómullarjersey, french terry og fleiru. Efnið mitt er frá Föndru og er frekar þykkt. Sniðið  fæst hér.
 

Prjónuð pils

Þessi pils prjónaði ég á stelpurnar mínar fyrir sumarið.

Eldri stelpurnar tvær eru tæplega þriggja ára, og pilsin eru á 4 ára, en passa alveg núna.

Sú yngsta er akkúrat ársgömul, pilsið hennar er í 2 ára stærð, pínu stórt ennþá en verður fínt þegar hún fer að ganga.

Ég notaði Drops merino extra fine frá Gallery Spuna, sem er alveg frábært að prjóna úr.

Uppskriftin birtist í Bændablaðinu fyrir einhverjum mánuðum síðan, en hún er líka hér á Garnstudio.com.

Trultemor-buksedress

 

Þessar smekkbuxur prjónaði ég á ömmustelpurnar mínar. Stærðin er á eins árs.

Uppskriftin er úr norsku bókinni Klompelompe, sem ég eignaðist í vetur og er búin að prjóna nokkrar flíkur upp úr.

Garnið er frá Drops, keypt í Gallerý Spuna. Bleiku buxurnar eru úr Drops Belle, og þær bláu úr Drops Cotton Merino.

 

Posted with Blogsy