Endurnýjaði kynni mín við Vorlilju og prjónaði þessa handa annarri tengdadótturinni í jólagjöf. Alltaf gaman að prjóna þessa uppskrift. Hún valdi sjálf litina, enda fara þeir henni mjög vel.
Garnið, sem er frá Rohrspatz & Wollmeise, kemur í 150 gr. hespum og þess vegna gat ég prjónað eitt par af Erlu í stíl, en það mátti ekki tæpara standa, tveir örlitlir hnyklar afgangs. Litirnir heita Krafla (sá dekkri) og Total edel (sá ljósari). Keypti garnið í Handprjóni og prjónastærðin var 3,5.
Engin ummæli:
Skrifa ummæli