Peysa á litla frænku

 

Þessa peysu prjónaði ég á litla frænku mína í eins árs afmælisgjöf. Hún er prjónuð úr Lanett, og uppskriftin er úr Prjónablaðinu Ýr nr. 41.

Svo lét ég sokka fylgja með.

 

Posted with Blogsy

Prjónaðir og heklaðir borðklútar

 

Ég gríp alltaf í það öðru hverju að prjóna borðklúta, og tveir á myndinni eru heklaðir. Mér finnst gaman að prófa ný munstur, og ennþá skemmtilegra að nota þá. Ég er eingöngu með svona klúta í eldhúsinu mínu.

 

Posted with Blogsy

Lopapeysa

Mig hefur lengi langað í bláa lopapeysu. Ég hef prjónað tvær þannig áður en gefið báðar. Svo rakst ég á þessa uppskrift í Stóru prjónabókinni, sem kom út fyrir jólin, og held ég sé bara ánægð með hana.

Ég notaði sérlitaðan léttlopa frá Handprjónasambandinu á Skólavörðustíg.

 

Posted with Blogsy

Applíkeraðir púðar

Bóndi minn bað mig um að sauma púða fyrir húsbílinn okkar, sem ég gerði með gleði. Snið af þessum fékk ég í æðislega fallegri bók, Country Cottage Quilting, sem vinkona mín gaf mér í fyrra. Bókin er eftir Lynnette Anderson.

Hinn púðinn er úr Simple Traditions eftir Kim Diehl, sem gefur líka út mjög fallegar bækur. Ég notaði aðferð hennar við að applíkera, en hún notar "freezer" pappír, og sikk sakkar myndirnar á með glærum tvinna. Þetta hentaði mér ágætlega, ég er aðeins að reyna að finna mína aðferð við að applíkera í vél.

Svo lokaði ég bakinu með rennilás, hef ekki gert það fyrr, en það er fín aðferð.

Og nú eru púðarnir komnir á sinn stað í húsbílnum, og bíða næstu ferðar. Nú langar mig að sauma dúk á borðið.

 

Posted with Blogsy

Bollamotta

 

Þessa bollamottu saumaði ég handa góðri vinkonu minni.

 

Posted with Blogsy

Vasainniskór

 

Þegar maður sér þessi prjónuðu stykki fyrst detta manni ekki í hug inniskór.

En það er samt málið, inniskór eða sokkaskór, sem hægt er að stinga í vasann, og taka upp þar sem þeirra er þörf. Svo er svo gaman að prjóna þá, uppskriftin lærist strax utan að og er tilvalið funda- og sjónvarpsprjón.

Ein stærð hentar öllum. Uppskriftin er HÉR.

 

Posted with Blogsy

Prjónuð páskaegg eftir Arne&Carlos

 

Nú er ég búin að prjóna nokkur páskaegg eftir þá Arne&Carlos.

Ég pantaði bókina á amazon.co.uk fljótlega eftir að hún kom út. Ég er mikill aðdáandi þessara listamanna, og bækurnar þeirra eru útaf fyrir sig listaverk.

Ég dreifði kúlunum í skálar að þessu sinni, en það má líka hengja þær upp.

Gleðilega páska!

 

Posted with Blogsy

Bútasaumssýning í Perlunni

 

Mér veittist sá heiður að vera boðið að taka þátt í sýningu Íslenska Bútasaumsfélagsins helgina 15. - 17. mars. Þarna var fullt af flottum teppum, og margt fínt til sölu. Mér finnst alveg æðislega gaman að sjá hvað konur hér heima eru að sauma. Á myndinni stend ég við annað teppið sem ég sendi, sem ég kalla Stjörnudans.

Efst í vinstra horninu er svo hitt teppið, Sumargarður.

 

Posted with Blogsy

Kragi

 

Þennan kraga prjónaði ég í samprjóni, KAL, sem Prjónakistan á facebook stóð fyrir. Þetta var óvissuprjón, og áttum við að nota 3 liti, en líka mátti nota allt að 16 liti og taka alltaf nýja og nýja munsturliti. Prjónaskapurinn stóð yfir í 9 daga, og fengum við uppskriftaskammtinn daglega á fb. Þetta var mjög skemmtilegt, eftirvænting á hverjum degi, og ég er mjög ánægð með kragann.

Þessi mynd er af síðu Prjónakistunnar, kraginn er hár og flottur, og liggur vel að hálsinum.

 

Posted with Blogsy