Prjónaðar samfellur

Prjónaði samfellur á fjórða barnabarnið eins og á öll hin. Systir hans notaði svona samfellur næst sér frá því hún fæddist, og ennþá er hún í samskonar nærbolum sem ég prjónaði á hana, komin á fimmta ár.

Þetta er minnsta stærðin, og eins og alltaf prjónuð úr Alpaca Silke frá Sandnes.

Dalía litla, samfella

Uppskriftin að þessari samfellu er í bókinni Prjónað af ást.

 

Ég prjónaði úr Klompelompe tynn merinoull, og stærðin er á 6 mánaða.

Mjög gaman að prjóna hana, og er munstrið það sama og í Dalíukjólnum. 

Stærri samfellur

 

Barnið vex en brókin ekki.

Mamman pantaði stærri samfellur á aðra ömmustelpuna mína, en sú hefur verið í svona samfellu næst sér frá fæðingu.

Þetta er þriðja stærðin sem ég prjóna á hana, stærð 74/80.

Eins og síðast notaði ég Sandnes alpakka.

Uppskriftin er frá askeladen.dk, og ég veit að hún fæst á netinu hjá þeim, og heitir Body i Silkeuld.

 

Posted with Blogsy

Prjónað á barnabörnin

Ég var búin að lofa að blogga ekki meir, en af því að ég hef sýnt ýmislegt hér sem ég hef prjónað á barnabörn bræðra minna, þá fannst mér tilheyra að sýna líka það sem ég hef verið að prjóna á mín eigin barnabörn. Já, ég er orðin amma, ég á tvær nýfæddar sonardætur, báðir synir mínir eignuðust sín fyrstu börn nú í sumar, sú eldri fæddist 27. júlí, og hin 17. ágúst, en þær áttu reyndar að fæðast með eins dags millibili.

Fyrir tveimur árum keypti ég silkiull í Litlu prjónabúðinni og uppskrift af samfellu og ákvað að um leið og ég frétti að ég væri að verða amma, þá myndi ég fitja upp á henni. Og í desember fitjaði ég upp á tveimur!

Það varð afgangur af garninu, og þá gerði ég þessar húfur, minnstu stærð, upp úr Babystrikk på pinde 3.

Og enn varð afgangur, og þessir vettlingar eru úr sömu bók. Þegar þeir voru búnir var sama og ekkert eftir af garninu.

 

Posted with Blogsy