Eins og ég hef áður skrifað hér þá notum við mikið mottur undir bolla og krúsir hér á heimilinu. Ég bætti í safnið um daginn og saumaði fleiri. Þessar má líka nota sem gólfmottur á heimili Barbie, það alla vega gert hér þegar ömmustelpurnar koma hingað. Motturnar eru alfarið saumaðar í útsaumsvélinni.
Ég skellti saman tveimur munstrum. Mottan sjálf er upprunalega með texta sem ég sleppti en setti þess í stað þessar myndir af Sunbonnet Sue, sem ég hef alltaf verið hrifin af. Ég minnkaði myndirnar um 20% svo þær pössuðu.
Bæði munstrin, þ.e. motturnar og myndirnar, eru fríar á síðu Kreative Kiwi. Hugmyndin er ekki mín heldur fékk ég hana frá konu sem er í fb hóp Kreative Kiwi.
Engin ummæli:
Skrifa ummæli