Ungbarnasett

 

Ég eignaðist lítinn frænda þann 29. júní, og var búin að prjóna á hann þá. Ég gerði settið á 0-3/4 mánaða, og notaði uppáhaldsgarnið mitt, Lanett. Uppskriftin er frá Prjóna Jónu, og er hún á Facebooksíðu hennar.

 

Posted with Blogsy

Afgangateppi à la Arne&Carlos

 

Núna í júní prjónaði ég afgangateppi eins og þeir Arne&Carlos gera í bókinni Litríkar lykkjur úr garðinum.

Ég átti haug af smárestum af garni, flest áratuga gamalt, sem var ekki hægt að gera neitt með. Þó var ég búin að saxa aðeins á hann með teppinu sem glittir aðeins í í síðustu færslu.

Það er svo gott fyrir sálina að hreinsa svona upp. Ég fitjaði upp 250 lykkjur, og prjónaði svo þar til garnið var svo til uppurið. Ég skipti bara um lit þegar endinn var búinn. Teppið varð tæplega 2 metra langt. Grófleikinn var mismunandi, og stundum prjónaði ég úr tvöföldu.

Það þarf svona snillinga til að benda manni á svona einfalda hluti.

 

Posted with Blogsy

Blómapúði

Þennan púða sá ég fyrir löngu á blogginu Attic24, sem er mjög falleg síða. Garnið er Bomul og sport frá Gjestal. Ég heklaði hann reyndar úr uppraki af þremur öðrum púðaborðum sem mér fundust aldrei falleg.

Svo tókst mér að misskilja uppskriftina, og þá búin að ganga frá öllum endum, þannig að hann er heklaður úr mislöngum garnendum sem kostuðu mikinn frágang. En....ég er ánægð með hann, og það var gaman að hekla hann.

Mig langar að hekla annan úr garni sem skiptir sjálft litum, gæti trúað að það væri skemmtilegt.

Uppskriftin er HÉR.

 

Posted with Blogsy

Koddar

 

Áðan lauk ég við að sauma utanum tvo kodda til að hafa á hjónarúminu.

Svo langar mig að gera aðra minni til að setja fyrir framan. Er að leita að hugmyndum.

 

Posted with Blogsy

Góðir Íslendingar

Þessi löber minnir mig alltaf á 17. júní, enda ætlaði ég að vera búin með hann fyrir þjóðhátíðardaginn í ár. Það tókst ekki alveg, en það kemur annar dagur að ári.

Sniðið er frá Föndur.is og var það keypt í Quiltbúðinni á Akureyri.

Mér finnst alltaf gaman að þjóðlegum bútasaum.

 

Posted with Blogsy

Borðdúkur

Þá er kominn dúkur á borðið í húsbílnum.

Ég notaði bara einfalda ferninga, mest úr bláum efnum. Á milli er mjög þunnt dúkavatt, og svo ákvað ég að stinga hann þétt, því hann á eftir að fara oft í þvottavélina.

 

Posted with Blogsy

Peysa á litla frænku

 

Þessa peysu prjónaði ég á litla frænku mína í eins árs afmælisgjöf. Hún er prjónuð úr Lanett, og uppskriftin er úr Prjónablaðinu Ýr nr. 41.

Svo lét ég sokka fylgja með.

 

Posted with Blogsy

Prjónaðir og heklaðir borðklútar

 

Ég gríp alltaf í það öðru hverju að prjóna borðklúta, og tveir á myndinni eru heklaðir. Mér finnst gaman að prófa ný munstur, og ennþá skemmtilegra að nota þá. Ég er eingöngu með svona klúta í eldhúsinu mínu.

 

Posted with Blogsy

Lopapeysa

Mig hefur lengi langað í bláa lopapeysu. Ég hef prjónað tvær þannig áður en gefið báðar. Svo rakst ég á þessa uppskrift í Stóru prjónabókinni, sem kom út fyrir jólin, og held ég sé bara ánægð með hana.

Ég notaði sérlitaðan léttlopa frá Handprjónasambandinu á Skólavörðustíg.

 

Posted with Blogsy